مشاهدة تغذيات RSS

أمل فلا

حصص الاحتياطى

تقييم هذا المقال
بواسطة في 01-03-2010 عند 10:48 (759 المشاهدات)
- السلام عليكم يا أستاذ مغلوب ... معلش حضرتك ممكن تمضى لى على الحصص دى لأستاذ مكبر علشان غايب النهاردة

- ايه...غايب ليه...؟ ده عنده أربع حصص النهاردة وأنا عندى أربع حصص زيه ...لأ ده حرام هأشتغل اليوم كله ...؟

- يا استاذ مغلوب ما أنت عارف كل مادة بتشيل نفسها فى الغياب ...ابقى غيب انت كمان فى يوم زحمة حصص عندك ودبسه فيهم

- يا أستاذ محلسة انت عارف ان الأستاذ مكبر بيكبر دماغه فى حاجات كتير وعلى طول غايب يعنى أنا شايل الليلة لوحدى ..ده غير مابلاقيك جايب لى احتياطى حصص من برة المادة ... الرحمة حلوة يا استاذ محلسة

- أنا ..؟ أبدا والله ...دى كانت مرة واحدة علشان كان فيه غياب كتير بالمدرسة ...وعموما يا سيدى ما تزعلش أنا هريحك الأسبوع الجاى كله من الاحتياطى ...ها.... مبسوط ؟

- الكلام ده بأسمعه كل مرة بتجيلى فيها تمضينى على الاحتياطى ...وبعدين أنا الحصة السابعة والتامنة شغال فيها..... هلم العيال دى كلها ازاى ؟

- يا سيدى ما أنت الأوضة عندك بسم الله ماشاء الله واسعة وتساع من الحبايب ألف وأهم حصتين وهيعدوا

- هو فرح يا أستاذ محلسة ...انت عارف شقاوة الطلبة مع بعضها فى الحصة وأنا عايز أركز فى الشغل مع الطلبة بتوعى

- ياعم الحاج شغل ايه....؟ ريح دماغك ...يعنى هو الطالب لما تطلعه فنان هيشتغل ايه؟ شحات... ولا مؤاخذة يا أستاذ مغلوب ...أنا قصدى ان الفن مابيأكلشى عيش دلوقتى ومرتبات الحكومة ضعيفة زى ما أنت عارف ...يعنى مش هيعرف يفتح بيت طول حياته .... لامؤاخذة ...يظهر انى عكيت ولبخت ... أوعى تزعل منى يا أستاذ مغلوب ... وبعدين بصراحة كده شغلتك دى لوحدها ما تأكلش عيش حاف ...ما تحاول تشوف شغلة تانية جنب شغل الحكومة وتعرف تفتح بيت وربنا ساعتها هيعترك فى بنت الحلال

- المشكلة يا أستاذ محلسة انى جواية فعلا طاقات فنان يقدر يعمل حاجات كتير بس حاسس انى متسلسل من ايدى ورجلى

- طب بقولك ايه ما تسافر أى بلد من اللى بتقدر طاقاتك دى ...طالما بلدك مش معترفة بيك

- لو حسبتها هتلاقيها هى هى ...هنا بيضيع أحلى سنين عمرى فى العمل الروتينى.... والمرتب البسيط .... وهناك بيضيع عمرى برضه بعيد عن أهلى وأصحابى والناس اللى بحبهم.... والفلوس كتيرة بس مالهاش طعم من غير حبايبك وناسك

- يا سيدى الفلوس هى كل حاجة دلوقتى ... ما أنت أهه ...لا عارف تتجوز ولا عارف تفتح بيت ... واللى زيك يا استاذ مغلوب معاه دلوقتى عيلين وتلاتة ..ماتزعلش منى انت بقة اللى مابتسعاش ورا لقمة عيشك ...وآديك شايف الشغل هنا.... انت متمرمط فيه وببلاش

- أنا لى طموحات هنا ومش هسيب هنا

- طيب أسيبك أنا بقه لطموحات وأحلامك اللى مش جايبة همها ...وأوعى تنسى الحصص

وترك أستاذ محلسة الاستاذ مغلوب وقد زاده هم على هم ...ثم رفع رأسه الى سقف الحجرة وكأنه يبث همومه الى الله قائلا

- لله الأمر من قبل ومن بعد

أرسل "حصص الاحتياطى" إلى Digg أرسل "حصص الاحتياطى" إلى del.icio.us أرسل "حصص الاحتياطى" إلى StumbleUpon أرسل "حصص الاحتياطى" إلى Google أرسل "حصص الاحتياطى" إلى Facebook

الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية هدوئي له اهميه
    لله درك استاذتي الغاليه ..طرحتي واجدتي ..
    كنت بشوقا"لجديدك ..وقد سعدت كثيرا" عند رؤيت هذه الأطروحه ..او الهموم ..
    ..((..هموم معلم ..))
    ((ومعانااااة انساااان ))
    يبذل عمره ..ويفني صحته ..ولا يجد من يحس بهذا التعب ..او يقدر هذا الجهد ..
    كان الأجدر بك ان تكوني كاتبة مسرحيات هزليه ..
    عندما اقراء اطروحاتك ..اعيش معها ..واتخيلها بكل صغيرة فيها وكبيره ..
    واحس بمعاناة هؤلاء الأشخاص ..واتئلم من معاناتهم ..
    فالله الأمر ومن بعد حقا"
    تقبلي احترامي وتقديري ..وفي انتضار جديدك الممتع ..
    مع تحيات (( هدوئي ....
  2. الصورة الرمزية هدوئي له اهميه
    لله درك استاذتي الغاليه ..طرحتي واجدتي ..
    كنت بشوقا"لجديدك ..وقد سعدت كثيرا" عند رؤيت هذه الأطروحه ..او الهموم ..
    ..((..هموم معلم ..))
    ((ومعانااااة انساااان ))
    يبذل عمره ..ويفني صحته ..ولا يجد من يحس بهذا التعب ..او يقدر هذا الجهد ..
    كان الأجدر بك ان تكوني كاتبة مسرحيات هزليه ..
    عندما اقراء اطروحاتك ..اعيش معها ..واتخيلها بكل صغيرة فيها وكبيره ..
    واحس بمعاناة هؤلاء الأشخاص ..واتئلم من معاناتهم ..
    فالله الأمر ومن بعد حقا"
    تقبلي احترامي وتقديري ..وفي انتضار جديدك الممتع ..
    مع تحيات (( هدوئي ....
  3. الصورة الرمزية عبدالله الكريدا
    رائع ما سجلت أناملك أستاذة أمل

    حقيقة .. قصة هادفة

    ويا ليت يقرأها مدير مدرسة

    أسلوب حوار ما شاء الله

    مشروع كاتبة روائية مبدعة

    جزاك الله خير ونفع بعلمك وأدبك

    شكرا لك
  4. الصورة الرمزية أمل فلا
    السلام عليكم ورحمة الله وبركاته
    شكرا لك (هدوئى ...) و( أستاذ عبدالله ) ...على تحفيزكم لى بتلك الكلمات الرائعة منكم .....وأعتذر عن تأخرى عن المشاركة فى الصحيفة فى الأيام السابقة حيث كنت - ومازلت - أمر بظروف قاسية ....أسألكم الدعاء لوالدى بالشفاء
  5. الصورة الرمزية هدوئي له اهميه
    استاذتي الغاليه ..(( امل الفلا ))
    لقد طال غيابك عنا ..!! وزاد شوقي لك ..ارجو ان تكون صحة والديك بخير ..!!
    ادعو لهم من كل قلبي ..منذ ان تلقيت رسالتك ..ادامهم الله لك ذخرا" ..وعجل بشفائهم ..واسعدكي بقربهم ..واعانك على برهم ..
    ينتابني قلق كبير بخصوك ..ارجو ان تكوني بألف خير ...
    ارجو ان تطمنيني عليك ..
    اختك في الله ...(( هدوئي .......))
إضافة تعليق إضافة تعليق

Trackbacks


معلومات

أقسام الموقع

الدعم الفني

مواقع مهمة





جميع الحقوق محفوظة
لموقع التربية الفنية
A r t. G o v . S a
(2001 - 2012)